ADA Universitetinin magistr ixtisaslarında təhsil almaq istəyən Gürcüstan azərbaycanlılarını 11 mart saat 16:00-da baş tutacaq onlayn Məlumat sessiyasına dəvət edirik.
Aşağıdakı ixtisaslar modullar şəklində onlayn və əyani formada Bakıda və ADA Universitetinin Qazax Mərkəzi/Qazax Müəllimlər Seminariyasında tədris ediləcək:
• Təhsil üzrə menecment ( Azərbaycan dilində)
• Təlim və tədrisin təşkili və metodikası (Azərbaycan dilində)
Sessiyada bu magistr ixtisasları və onlara qəbul qaydaları, o cümlədən məhz Gürcüstan azərbaycanlıları üçün nəzərdə tutulan xüsusi təqaüd proqramı barədə ətraflı məlumat veriləcək.
Sessiyada iştirak edin, sizi maraqlandıran sualları ünvanlayın və sənədlərinizi elektron qaydada təqdim etmək qaydaları ilə tanış olun.
