28-29 avqust, 2020-ci il tarixlərində ADA Məktəbinə yeni qəbul edilmiş şagirdlər və onların valideynləri üçün onlayn “Tanışlıq Günləri” keçiriləcək. Görüş zamanı ADA Universitetinin rektoru, səfir Hafiz Paşayev, Tədris məsələləri üzrə prorektor Vəfa Kazdal və ADA Məktəbinin təlim-tədris heyətinin üzvləri iştirakçılar qarşısında çıxış edəcəklər.
Görüşə qoşulan şagird və valideynlər ADA Məktəbində tədris prosesi, məktəb həyatı, nizam-intizam və onlayn resurslardan istifadə qaydaları ilə bağlı ətraflı məlumat əldə edəcəklər.
ADA Məktəbinə bu il müsabiqə yolu ilə ümumilikdə 274 nəfər şagird qəbul edilib. Onlardan 245 nəfəri 10-cu, 29 nəfəri isə 11-ci sinfə qəbul ediliblər.
ADA Məktəbində tədris proqramı Azərbaycan Respublikasında ümumi təhsilin Konsepsiyası - Milli Kurrikulumuna və ADA Universitetinin təcrübəsinə əsaslanır.
ADA Məktəbi Tanışlıq Proqramı
28 avqust, Cümə günü
11:00 ADA Universitetinin Rektoru Hafiz Paşayev və Tədris İşləri üzrə Prorektor Vəfa Kazdalın çıxışı
11:10 Tədris və Qiymətləndirmə Şöbəsinin nümayəndəsinin təqdimatı Ramil Mustafayev
11:20 Tədris şöbələrinin rəhbərlərinin təqdimatları
11:50 ADA Blackboard istifadəsi haqqında təqdima Gunay Rüstəmova
12:10 Sual & cavab
29 avqust, Şənbə günü
11:30 Şagird və Valideynlərlə İş üzrə Şöbənin təqdimatı Səriyyə Həsənova
11:40 Nizam-intizam, Etika və Vətəndaş Münasibətləri üzrə menecerin təqdimatı Samir Cavadov
11:50 Məktəb psixoloqunun təqdimatı Ülviyyə Sultanlı
12:00 Dərsdən kənar fəaliyyətlər/My ADA haqqında təqdimat Saleh Sani
12:10 ADA Məktəbinin məzunların məktəb həyatı haqqında çıxışları
12:20 Sual & cavab