Public Administration (in Azerbaijani)

Dövlət İdarəetməsi

Azərbaycan dilində dövlət idarəetməsi üzrə modul-əsaslı proqram 18 ay ərzində ənənəvi və onlayn formada tədris olunur. Proqramın ənənəvi dərsləri ADA Universitetinin Qazax Mərkəzində keçirilir. Tədrisin ilk ilində akademik məqsədlər üçün ingilis dili dərsləri onlayn şəkildə keçirilir. Bu tətbiqi proqramın əsasını dövlət qulluğunda uğurlu fəaliyyət üçün lazım olan biliklərlə yanaşı, tədqiqat, data əsaslı qərarvermə, maliyyə savadlılığı və kommunikasiya kimi praktiki bacarıqlar təşkil edir.

Qəbul şərtləri

Namizədlər Azərbaycandakı mövcud magistraturaya qəbul qaydalarına uyğun olaraq bu proqrama müraciət edə bilərlər.

Müraciət prosesi:

DİM tərəfindən keçirilən qəbul imtahanlarında minimum 45 bal
ADA Universitetinin elektron ərizə forması: www.ada.edu.az/en/apply
Müsahibədə iştirak

Elektron ərizəyə əlavələr:

Namizədin bu proqrama müraciət səbəblərini və gələcək karyera planlarını ifadə edən 300-500 sözlük inşa
Bakalavr diplomu və diploma əlavə (ingilis dilinə tərcümə və notarial qaydada təsdiq ilə birlikdə)
Şəxsiyyət vəsiqəsi
CV
3x4 sm ölçüdə fotoşəkil

Sənədlərə ilkin baxışdan sonra yekun seçim müsahibə vasitəsilə olacaq. Dövlət qurumlarında iş təcrübəsi olan namizədlərə seçim prosesində üstünlük veriləcək.

Birinci mərhələ sənəd qəbulu üçün son tarix: 1 aprel

İkinci mərhələ boş qalan yerlərə sənəd qəbulu üçün son tarix: 1 iyun