Bildiyiniz kimi, ADA Universitetində təhsil ingilis dilindədir və buna görə də magistraturaya müraciət zamanı akademik ingilis dili biliyinizi təsdiq edən sənəd (6.5 bal IETLS Academic/83 bal TOEFL və ya 105 bal Duolingo) əsas tələblərdən biridir.
Akademik məqsədlər üçün onlayn ingilis dili kursları da məhz ADA-da magistratura təhsili almaq istəyən, lakin ingilis dili bilikləri lazımi səviyyədə olmayan namizədlər üçün nəzərdə tutulub.
Kursa başlamaq üçün namizəd minimum 5.5 bal IETLS Academic/ 62-70 bal TOEFL səviyyəsində ingilis dili biliklərinə malik olmalıdır. Mart ayında başlayacaq kurslara qoşulmaq üçün namizədlər fevralın sonunda ADA-da daxili səviyyə testindən keçəcəklər. Yalnız tələb olunan səviyyədə ingiliscə bilən namizədlər kursa başlaya biləcəklər. Kursu uğurla tamamlayan və sertifikat alan namizədlərdən IETLS və ya TOEFL nəticələri tələb olunmur.
Cədvəldən də görəcəyiniz kimi, dərslər iki fərqli səviyyədə keçirilir. Birinci mərhələdə kurs sizi IETLS 5.5 səviyyəsindən IETLS 6.0 səviyyəsinə çatdırır. Kursun keçirilmə saatları və günləri də iki fərqli formatda hazırlanıb. Tələbələr üçün daha çox uyğun olan həftəiçi səhər dərsləri, işləyən namizədlər üçün isə həftəsonu və axşam dərsləridir.
Birinci mərhələdə kursun formatı, qiyməti və müddəti barədə ətraflı məlumatı aşağıdakı cədvəldə görə bilərsiniz:
İLKİN SƏVİYYƏ | TARİXLƏR | MÜDDƏT VƏ QİYMƏT | CƏDVƏL |
IELTS 5.5 və ya TOEFL 62-70 | Axşamlar və həftəsonu 1 mart – 30 may |
12 həftə, 120 saat dərs 1300 AZN |
Bazar ertəsi, Çərşənbə, Cümə axşamı 19:00 – 21:00 Şənbə 10:00 – 15:00 |
IELTS 5.5 və ya TOEFL 62-70 | Həftəiçi 4 gün 1 mart – 30 may |
12 həftə, 120 saat dərs 1300 AZN |
Bazar ertəsi, Çərşənbə, Cümə axşamı və Cümə Təklif 1 - 9:30-10:45 / 11-12:15 Təklif 2 – 2:30 -3:45 / 4:00-5:15 |
İkinci mərhələdə isə siz IETLS 6.0 səviyyəsindən IETLS 6.5 səviyyəsinə çatırsınız. Bu mərhələdə də dərslər 2 fərqli formatda: 11 həftəlik normal və ya 4.5 həftəlik intensiv şəkildə tədris edilir. İkinci mərhələdə dərslərin formatı və müddəti aşağıdakı kimidir:
İLKİN SƏVİYYƏ | TARİXLƏR | MÜDDƏT VƏ QİYMƏT | CƏDVƏL |
IELTS 6.0 və ya TOEFL 71- 82 | Axşamlar və həftəsonu 1 mart – 22 may |
11 həftə, 11 saat dərs 1200 AZN |
Bazar ertəsi, Çərşənbə, Cümə axşamı 19:00 – 21:00 Şənbə 10:00 – 15:00 (13:00-13:45 fasilə) |
IELTS 6.0 və ya TOEFL 71- 82 | Həftəiçi hər gün 7 iyun – 7 iyul |
4.5 həftə 1200 AZN |
Hər gün 8:30 – 15:00 (13:00-13:45 fasilə) |
Maraqlanan namizədlər admissions@ada.edu.az e-mail ünvanına yaza və səviyyə testi üçün qeydiyyatdan keçə bilərlər.
Müraciət üçün son tarix: 20 fevral, 2021-ci ildir.