Education Management (in Azerbaijani)

Təhsil üzrə menecment ixtisası təhsilin müxtəlif pillələri və sahələri üzrə idarəçilər yetişdirir. Tədris payız semestrində 3 dəfə Qazaxda, yaz semestrində isə 2 dəfə Qazaxda 1 dəfə Bakıda olmaqla ənənəvi formada, qalan vaxtlar isə onlayn aparılır.

Proqramda tədris real beynəlxalq nümunələrə əsaslanaraq təhsilin idarə edilməsi üçün zəruri olan hüquqi, iqtisadi, maliyyə və idarəçilik üzrə mövzuları əhatə edir. Proqramın əsas üstünlüklərindən biri də ixtisas təhsili ilə yanaşı, akademik məqsədlər üçün ingilis dilinin tədrisidir.

Namizədlər Azərbaycandakı mövcud magistraturaya qəbul qaydalarına uyğun olaraq bu proqrama müraciət edə bilərlər.

Müraciət prosesi:

• DİM-in magistr imtahanından minimum 45 bal
• ADA Universitetinin elektron ərizə forması
• Müsahibədə iştirak

Elektron ərizəyə əlavələr:

• Namizədin bu proqrama müraciət səbəblərini və gələcək karyera planlarını ifadə edən 300-500 sözlük inşa
• Bakalavr diplomu və diploma əlavə (ingilis dilinə tərcümə və notarial qaydada təsdiq ilə birlikdə)
• Şəxsiyyət vəsiqəsi
• CV
• 3x4 sm ölçüdə fotoşəkil

Sənədlərə ilkin baxışdan sonra yekun seçim müsahibə vasitəsilə olacaq.

Birinci mərhələ sənəd qəbulu üçün son tarix: 1 aprel

İkinci mərhələ boş qalan yerlərə sənəd qəbulu üçün son tarix: 1 iyun

Azərbaycan vətəndaşları üçün illik təhsil haqqı 3000 AZN təşkil edir.

Faydalı sənədlər:

Elektron ərizə forması
Dərs cədvəli
Qazaxda qalmaqla bağlı məlumat
Birinci il tələbələri üçün 2024-2025-ci tədris ili üzrə akademik təqvim
İkinci il tələbələri üçün 2024-2025-ci tədris ili üzrə akademik təqvim